СОНЧЕВО И ТОПЛО ВРЕМЕ НИЗ ДРЖАВАТА – температурите денеска до 36 степени

Според најновата прогноза од Управата за хидрометеоролошки работи (УХМР), денеска нè очекува претежно сончево и топло време со мала до умерена локална облачност. Ќе дува слаб до умерен ветер од јужен правец, што дополнително ќе го зголеми чувството на топлина.

Минималните утрински температури ќе се движат меѓу 9 и 20 Целзиусови степени, додека дневните максимални ќе достигнат од 26 до 36 степени.

Во Скопје времето ќе биде стабилно, сончево и топло со мала до умерена облачност. Ветерот ќе биде слаб до умерен, претежно од јужен правец. Температурите во главниот град ќе се движат од минимални 12 до максимални 35 степени.

УХМР најавува дека во наредните денови ќе продолжи периодот на стабилно време, со преовладувачки сончеви денови и температури кои се карактеристични за јулскиот топлотен бран. Граѓаните се советуваат на повисока претпазливост при престој на отворено, особено во најтоплиот дел од денот.