ШАРЛИЗ ТЕРОН ОТВОРЕНО ЗА ИНТИМНИОТ ЖИВОТ: „Авантурите за една ноќ не се моја навика, но ова беше неверојатно“

Оскаровката Шарлиз Терон ретко зборува за својот приватен живот, но овојпат направи исклучок. Во подкастот Call Her Daddy, актерката отворено проговори за својот сексуален живот, откривајќи дека неодамна имала авантура за една ноќ со 26-годишен маж – искуство што, како што рече, „никогаш нема да го заборави“.

„Имав можеби три такви авантури во целиот мој живот, но неодамна имав секс со 26-годишник. Беше неверојатно. Никогаш порано не сум го направила тоа. Си реков: О, ова е одлично“, сподели Терон, додавајќи дека тоа ѝ донело чувство на ослободување и самодоверба.

Таа исто така откри дека во последната деценија стекнала нова сигурност кога станува збор за секс и врски, но сепак смета дека не е експерт: „Сè уште сум веројатно последната личност што треба да ја прашаш за совети за сексуални врски“, рече низ смеа.

Изјавите на Терон наидоа на позитивни реакции на социјалните мрежи, каде многумина ја поздравија нејзината искреност и отвореност по теми што често се табу, особено кога ги изнесуваат жени во нејзините години и во јавна позиција.