КРАЛСКАТА ЕЛЕГАНЦИЈА ВО ВЕНЕЦИЈА Ранија го привлече вниманието на славната свадба

Јорданската кралица Ранија Ал Абдула повторно го потврди својот статус на икона на елеганцијата со појавата на свадбата на милијардерот Џеф Безос и новинарката Лорен Санчез, одржана во Венеција.

Со негувана фризура со лесни бранови и дискретна шминка во неутрални тонови, Ранија изгледаше беспрекорно. Целосниот изглед го заокружи со елегантен накит – ѓердан, прстени и софистицирана чантичка. На свеченоста беше придружувана од ќерка ѝ, принцезата Иман, нејзиниот сопруг Џамил Термиотис, синот Хусеин и снаата, принцезата Раџва.

Покрај кралското семејство на Јордан, на свадбата присуствуваа бројни познати личности, меѓу кои: Ким и Клои Кардашијан, Бил Гејтс, Леонардо Дикаприо со девојката Виторија Черети, Крис Џенер и нејзиниот партнер Кори Гембл, Иванка Трамп и Џаред Кушнер, Опра Винфри, Брукс Надер и други.

Според американските медиуми, Безос и Санчез веќе стапиле во брак во САД, а во Италија организирале повеќедневна свадбена прослава. Изворите посочуваат дека двојката потпишала предбрачен договор вреден неколку милиони долари.

Иако настанот предизвика внимание и восхит, во Венеција продолжуваат протестите на граѓани кои сметаат дека таквите ексклузивни случувања не му доликуваат на градот. Градоначалникот Луиџи Бруњаро, сепак, ги уверил младенците дека нивната безбедност е загарантирана.

Queen Rania, Crown Prince Al Hussein, Princess Rajwa al Hussein and Princess Iman Bint Abdullah attended the wedding of Jeff Bezos and Lauren Sanchez on June 27. pic.twitter.com/luysL7ifWR

— Royalty Of Arabia (@DesertCrowns) June 27, 2025