СООБРАЌАЈОТ СЕ ОДВИВА НЕПРЕЧЕНО: Нема подолги чекања на граничните премини, возачите да внимаваат на одрони
Сообраќајот се одвива по претежно суви коловози, без поголеми застои на граничните премини, додека АМСМ предупредува на можни одрони на патиштата низ клисурите и речните долини.
Сообраќајот на државните патишта низ Македонија се одвива непречено, по претежно суви коловози. Интензитетот на сообраќај надвор од градските средини е умерен, а на граничните премини од македонска страна засега нема подолги задржувања за влез и излез од државата, информираат од Автомото сојузот на Македонија (АМСМ).
Од АМСМ апелираат до возачите да ја приспособат брзината на движење според условите на патот, да ја почитуваат поставената сообраќајна сигнализација и внимателно да управуваат со возилата.
Посебна претпазливост се препорачува на патните правци што минуваат низ котлини, речни долини и клисури, каде што постои опасност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Во согласност со сезонскиот режим на сообраќај, од 15 април патниот правец Охрид – Ресен, кој минува низ Националниот парк „Галичица“, е отворен за сообраќај за сите видови возила со тежина до 3,5 тони.
Поднаслов: Сообраќајот се одвива по претежно суви коловози, без поголеми застои на граничните премини, додека АМСМ предупредува на можни одрони на патиштата низ клисурите и речните долини.
