ДЕЛОВИ ОД СКОПЈЕ ДЕНЕСКА БЕЗ СТРУЈА И ВОДА Проверете кои улици се опфатени

Делови од Скопје денеска ќе се соочат со прекини во снабдувањето со електрична енергија и вода поради планирани технички активности и санација на дефекти на дистрибутивните мрежи, информираат надлежните претпријатија.

Според известувањето од ЕВН Македонија АД, поради активности на електродистрибутивната мрежа, без струја ќе останат потрошувачите на следните локации:

• Општина Кисела Вода: Улица „Партизански Пат 2“, во периодот од 09:00 до 13:00 часот.

• Општина Ѓорче Петров: Улица „2“ во селото Орман, во периодот од 09:00 до 15:30 часот.

Од ЈП „Водовод и канализација“ – Скопје известуваат дека поради интервенции на водоводната мрежа, дел од граѓаните во две скопски општини ќе останат без вода.

Во општина Центар, поради поврзување на старата со новата водоводна мрежа на улицата „Мирослав Крлежа“ бб, ќе биде прекинато водоснабдувањето за дел од корисниците на оваа улица, на потегот од булеварот „Партизански одреди“ до улицата „Орце Николов“.

Прекинот започнува во 08:30 часот и ќе трае до завршување на работните активности.

Во општина Карпош, поради уличен дефект на водоводна цевка со пречник од 100 милиметри на улицата „Прашка“ број 50, без вода ќе останат корисниците од улиците „Прашка“, „Дамска“ и дел од „Букурешка“, како и објектите на гимназијата и ОУ „Нова“.

Прекинот во водоснабдувањето започнува во 09:00 часот, а точниот термин за нормализирање на снабдувањето не е наведен.

Надлежните служби информираат дека водоснабдувањето ќе биде воспоставено по завршувањето на интервенциите.