СООБРАЌАЈОТ НЕПРЕЧЕН Внимателно поради можни одрони

Сообраќајот на државните патишта се одвива непречено, по суви коловози, а интензитетот на сообраќајот надвор од градските средини е умерен.

На граничните премини од македонска страна нема подолги задржувања за влез и излез од државата.

Од АМСМ апелираат возачите да ја прилагодат брзината, да ја почитуваат поставената сообраќајна сигнализација и внимателно да управуваат со возилата.

Посебно внимание се препорачува на патиштата низ котлините, речните долини и клисурите, каде постои можност за појава на одрони. Ризични се делниците Катланово–Велес, Маврово–Дебар–Струга, Виница–Берово и Кочани–Делчево.

Сезонски режим

Патниот правец Охрид–Ресен преку Националниот парк „Галичица“ е отворен за сообраќај за сите видови возила со тежина до 3,5 тони.