ОТИШЛЕ СО ШАТОРИ ВО ГАЛИЧНИК, ЗАВРШИЛЕ ВО ПОЛИЦИЈА Наместо на чист воздух, уживале во марихуана

Пет лица се лишени од слобода во полициска акција во Галичник, при која во шаторите каде што престојувале биле пронајдени повеќе видови супстанции и таблети.

Акцијата била спроведена вчера во периодот од 19:20 до 20:45 часот, на местото викано „Стопанче“, од страна на полициски службеници од ОВР Гостивар и Полициското одделение Маврово.

Од слобода биле лишени А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претресот на шаторите, полицијата пронашла и одзела повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во Полициската станица Гостивар за понатамошна постапка. По документирањето на случајот, од МВР најавуваат соодветен поднесок.