ГОЛЕМА ПРОМЕНА ВО КИЧЕВО – Демократската партија на Ромите избра нови лица, нов тим и нова енергија
Партијата продолжува со јакнење на своите структури низ државата, со фокус на активни општински организации и поголема поврзаност со граѓаните.
Претседателот на Демократската партија на Ромите, Милјазим Сакипов, придружуван од членови на претседателството на партијата, на 11 јули 2026 присуствуваше на изборен состанок на Општинската организација на ДПР – Кичево.
На состанокот беше избрано новото раководство на Општинската организација на ДПР – Кичево, со цел понатамошно зајакнување на партиската структура и поактивно делување во интерес на Ромите и на сите граѓани.
За ново раководство на Општинската организација ДПР Кичево беа избрани:
- Самир Арифоски – претседател на О.О. Кичево
- Енсер Реџепоски – потпретседател
- Енис Арифоски – секретар
- Сенаија Асаноски – благајник
Во состав на општинското претседателството беа избрани и уште девет членови, кои заедно со новото раководство ќе работат на реализација на програмските цели и приоритети на Демократската партија на Ромите на локално ниво.
Претседателот на ДПР, Милјазим Сакипов, упати честитки до новоизбраното раководство и им посака успешна, одговорна и посветена работа, со посебен акцент на активното застапување на интересите на Ромите и на сите граѓани и продолжување на политиките за развој и напредок.
Демократската партија на Ромите останува посветена на јакнење на своите општински организации и во наредниот период ќе продолжи со создавање на поактивна и поефикасна партиска мрежа низ целата држава.
