БЕЛИНГАМ ЈА НОСИ АНГЛИЈА, АРГЕНТИНА ПРЕЖИВУВА Следува спектакуларно полуфинале

Англија и Аргентина ќе се соочат во едно од полуфиналињата на Светското првенство, откако двете селекции ги елиминираа Норвешка и Швајцарија во драматични четвртфинални дуели.

Англичаните со 2:1 по продолженија ја совладаа Норвешка во меч во кој решавачки беше индивидуалниот квалитет. Норвежаните одиграа дисциплинирано, долго време успешно го контролираа налетот на противникот и имаа свои шанси, но на крајот пресуди класата на англиските фудбалери. Џуд Белингам повторно беше херојот на Англија, постигнувајќи го победничкиот погодок во продолженијата и потврдувајќи ја лидерската улога во тимот.

Аргентина, пак, до полуфиналето стигна по потешкиот пат. Актуелниот светски првак ја совлада Швајцарија со 3:1 по продолженија, иако по 90 минути резултатот беше 1:1. Мек Алистер ја донесе Аргентина во водство во 10. минута, но Ндоје во второто полувреме израмни за Швајцарија. Европската селекција потоа остана со играч помалку по исклучувањето на Емболо, но „гаучосите“ не успеаја да го решат натпреварот во регуларниот дел. Во продолженијата Хулијан Алварез и Лаутаро Мартинез ја обезбедија победата и ново полуфинале за Аргентина.

Во полуфиналето следува голем спектакл Англија против Аргентина, дуел кој носи огромна спортска тежина и борба за место во големото финале.