НОВ РАСТ НА БЕНЗИНСКИТЕ Горивата повторно поскапеа, дизелот најмногу удри по џебот

Од полноќ стапија во сила новите малопродажни цени на нафтените деривати, со што возачите повторно ќе плаќаат повеќе за гориво.

Цената на ЕУРОСУПЕР БС-95 се зголеми за еден денар и сега изнесува 85,5 денари за литар. За исто толку поскапе и ЕУРОСУПЕР БС-98, кој ќе се продава по 87,5 денари за литар.

Најголемо поскапување има кај ЕУРОДИЗЕЛОТ, чија цена е зголемена за 2,5 денари, па еден литар од полноќ чини 82,5 денари.

Поскапе и екстралесното масло за домаќинство (ЕЛ-1) за два денари, со нова цена од 81,5 денари за литар.

Единствениот дериват со пониска цена е мазутот, кој поевтинува за 0,3 денари и сега ќе се продава по 41,2 денари за килограм.