НОВА ЕСКАЛАЦИЈА Уништени десетици цели и големи загуби кај украинските сили

Како одговор на, како што тврди руското Министерство за одбрана, украински напади врз цивилни цели на територијата на Русија, руските вооружени сили извршиле напад со прецизно водени ракети и беспилотни летала.

Според соопштението, биле погодени воени аеродроми и објекти од енергетска и транспортна инфраструктура што, како што се наведува, ги користат украинските вооружени сили.

Исто така се наведува дека различни руски воени групи пријавиле загуби кај украинските сили: Групата „Север“ уништила до 200 војници, едно оклопно возило и 16 автомобили, „Запад“ 180 војници, 21 автомобил, две артилериски средства и станица за електронско војување, „Југ“ 85 војници, три оклопни возила, четири артилериски средства и 13 автомобили „Центар“ 340 војници, осум оклопни возила и четири автомобили, „Исток“ повеќе од 455 војници, девет автомобили и едно артилериско средство и групата „Дњепар“ уништила повеќе од 60 војници, две артилериски средства, 12 возила и три станици за електронско војување.

Дополнително се тврди дека системите за противвоздушна одбрана собориле десет наведувани воздушни бомби, една ракета од американскиот систем HIMARS и 352 беспилотни летала.