МЕЛНИК ТВРДИ – Путин ја губи војната, Русија пред колапс

Претставникот на Украина во Обединетите нации, Андриј Мелник, денес изјави дека првата половина од мај е еден од најсмртоносните периоди за украинските цивили од почетокот на војната со Русија, повикувајќи ги сите членки на ОН да го засилат режимот на санкции против Москва.

Мелник, насловувајќи го својот повик како итна потреба за поголем меѓународен притисок, истакна дека Русија треба „да престане да се жали на страдањето на сиромашните Руси“, нагласувајќи дека тоа е последица на континуираната агресија врз Украина, пренесува „Гардијан“.

Тој додаде дека украинските сили, за разлика од руските, никогаш не ги таргетираат цивилите, потенцирајќи дека последните недели биле обележани со бројни руски напади, меѓу кои и напад во кој животот го загубиле две сестри во Киев.

Според него, ваквите „варварски злосторства“ против украинските цивили сè уште не добиле адекватен одговор од меѓународната заедница.

Мелник ги повика земјите-членки на ОН да го зајакнат санкцискиот режим и да спречат испорака на компоненти што, како што рече, ја поддржуваат руската воена индустрија.

Тој наведе дека, и покрај тврдењата на Владимир Путин за успеси, дури и дел од руските провоени блогери ги признаваат проблемите на фронтот и дека моменталната ситуација е во корист на Украина.

Мелник додаде дека некои руски воени аналитичари предупредуваат на ќор-сокак на фронтот, големи човечки загуби и растечки економски притисок врз руското население.

„Војната за која Путин веруваше дека ќе биде круна на неговата кариера, ќе се покаже како негов последен пад“, заклучи тој.