MONEY. MIND. INFLUENCE – Настанот што ги собира моќните лидери во Македонија

Утре, на 19 мај 2026 година (вторник), во хотелот DoubleTree by Hilton Skopje ќе се одржи петтото јубилејно издание на годишната конференција EqualXChange vol.5: “Money. Mind. Influence.”, во организација на Алијансата за родова еднаквост на работното место – GEA.

Настанот оваа година бележи исклучително голем интерес во бизнис заедницата и ќе собере повеќе од 200 учесници од приватниот сектор, меѓу кои C-level лидери, претприемачи, менаџери, HR професионалци и носители на одлуки. Темата „Money. Mind. Influence.” ги опфаќа клучните предизвици во современото работење: финансиска писменост и носење одлуки во услови на нестабилни пазари, ментална издржливост, wellbeing и продуктивност на вработените, како и лидерство, комуникација, преговарање и влијание во организациската култура.

EqualXChange во изминатите пет години прерасна од иницијатива фокусирана на родова еднаквост во значаен бизнис-настан кој отвора дискусии за работата, лидерството и развојот на организациската култура. Денес конференцијата претставува платформа за размена на искуства, идеи и практични решенија поврзани со продуктивноста, развојот на човечкиот капитал и одржливиот раст.

Овогодинешната програма вклучува keynote презентации, fireside chat разговори, панел-дискусии и networking сегменти, насочени кон реални бизнис предизвици и практични искуства од лидери кои секојдневно управуваат со раст и промени во своите организации.

На сцената ќе настапат реномирани експерти и професионалци од различни индустрии, меѓу кои Иван Ивановски (PrimeClass.mk), д-р Катерина Бошевска (EOS Matrix Македонија и Косово), Милан Петковски (Меѓународна организација на трудот – МОТ), Нина Ангеловска Станков (GEA и Асоцијација за е-трговија), Бобан Милошевски (Avalon продукција), Коста Петров (P World), Трајче Николов (Пивара Скопје), Сања Ѓорѓева (Dr. Goodnight), д-р Весна Чадо (PLX Academy), Марина Анчевска (Центар за Бизнис психологија, Системски НЛП и Системска Коучинг Академија), Франка Граждани (223 и Ethereum Македонија) и други.

Покрај главната програма, конференцијата вклучува и expo сегмент и networking простор посветен на компании и партнери кои придонесуваат кон развој на инклузивно и одржливо бизнис опкружување.

Реализацијата на конференцијата е поддржана од бројни партнери кои го препознаваат значењето на современото лидерство и вложувањето во луѓето и организациската култура. Меѓу нив се PrimeClass.mk како златен партнер, EOS Matrix Македонија и проектот „Кон безбедна и здрава работна средина во Северна Македонија“, финансиран од Европската Унија и спроведен од МОТ, како track партнери, Cosmo Tinex како сребрен партнер и Delight Office Solution како бронзен партнер, заедно со други поддржувачи.

Иницијативата GEA, основана од Асоцијацијата за е-трговија, работи на промовирање инклузивна работна култура и еднакви можности за сите, преку три клучни столба: еднаква застапеност на мажи и жени на сите нивоа, еднаква плата за иста работа и еднакви можности за напредок. Алијансата е поддржана од повеќе компании и организации кои заеднички придонесуваат кон нејзините цели.

Повеќе информации и целосната агенда се достапни на: equalxchange.mk