ЏОН ТРАВОЛТА НАГРАДЕН – Доби почесна „Златна палма“ во Кан
Филмот е инспириран од романот на Траволта од 1997 година со исто име.
Американскиот актер Џон Траволта доби почесна „Златна палма“ на овогодинешниот Кански филмски фестивал, непосредно пред светската премиера на неговото режисерско деби „Ноќен лет до Лос Анџелес“.
Наградата му ја врачи директорот на фестивалот Тиери Фремо за време на свечената церемонија во Кан.
Траволта, кој е двократен номиниран за „Оскар“, го претстави својот прв игран филм како режисер на фестивалот. Филмот е инспириран од неговиот роман од 1997 година со ист наслов.
Познат по долгогодишната љубов кон авијацијата и својата пилотска кариера, актерот во овој проект ја истражува својата фасцинација со летањето и се навраќа на спомените од детството поврзани со откривањето на светот на авијацијата.
Траволта стекна светска слава со улогите во култните филмови „Треска на саботната вечер“, „Брилијантин“ и „Евтини приказни“, а во текот на кариерата двапати беше номиниран за „Оскар“.
Канскиот филмски фестивал оваа година се одржува од 12 до 23 мај.