ДРАМАТИЧНА ПОРАКА ОД ТРАМП ДО ИРАН – Преземете нешто или ќе ве снема
Трамп порача дека Иран мора „брзо да реагира“ или ќе се соочи со сериозни последици.
Американскиот претседател Доналд Трамп упати ново остро предупредување до Иран, изјавувајќи дека земјата треба брзо да преземе чекори или, како што рече, „ќе остане без ништо“.
На својата платформа Truth Social, Трамп порача дека „времето истекува“ за Иран и дека властите во Техеран мора да реагираат итно, нагласувајќи дека „времето е од суштинско значење“.
Во исто време, Трамп објави и видео кое предизвика реакции, а во кое се прикажуваат сцени на американски воен брод и илустрации на воздушен судир со ирански симболи. Во видеото се слуша и аудио-запис со наводна изјава на Трамп за цел воен напад, иако не е јасно во кој контекст е направен материјалот.
Покрај тоа, тој претходно оваа недела ја отфрли најновата мировна понуда од Иран, оценувајќи ја како неприфатлива, и истовремено повторно зборуваше за досегашните американски воени дејствија и можни идни цели во регионот.
Изјавите доаѓаат во период на засилени политички тензии и меѓусебни обвинувања меѓу Вашингтон и Техеран.