АМЕРИКАНСКИ НОСАЧ НА АВИОНИ ВО СПЛИТ – Најголемиот воен брод во историјата пристигна во Хрватска
Посетата на американскиот носач на авиони USS Gerald R. Ford на Сплит нема да биде отворена за новинари, а причината е поразлична од очекуваното.
Фото: Принтскрин
Најголемиот воен брод некогаш изграден, американскиот носач на авиони USS Gerald R. Ford, пристигна во Сплит за планирана посета и одржување, соопшти денес Американската амбасада во Хрватска.
За време на посетата, бродот ќе биде домаќин на локални претставници и клучни лидери, со цел да се потврди „силниот и траен сојуз“ меѓу САД и Хрватска. Амбасадата истакнува дека Загреб и Вашингтон имаат блиски односи и дека Хрватска е „вреден сојузник и пријател на НАТО“.
Единиците на американската морнарица редовно ја посетуваат Хрватска за поправки и заеднички воени вежби. USS Gerald R. Ford последен пат беше во Сплит во октомври 2025 година, а првпат пристигна во јуни 2023 година. Овој пат нема да има обиколка на бродот за новинари.
CATEGORIES Свет