ЌЕ СЕ ИЗНЕНАДИТЕ – 5 трикови што веднаш ја намалуваат потрошувачката на гориво
Не е до автомобилот туку до начинот на кој возите.
Со растот на цените на горивата, секое седнување зад воланот станува сè поголем удар за буџетот. Но вистинската заштеда не започнува на бензинската пумпа туку во начинот на возење. Дански експерти откриваат пет едноставни, но ефикасни навики што можат значително да ја намалат потрошувачката на гориво.
Наглото забрзување и силното кочење не само што ја намалуваат безбедноста, туку и го зголемуваат трошењето гориво. Рамномерното возење, особено во градски услови со чести запирања, му овозможува на моторот да работи поефикасно и да троши помалку.
Неправилниот притисок во гумите создава поголем отпор на патот, што директно влијае на зголемена потрошувачка. Со редовна проверка не само што штедите гориво, туку ја подобрувате и безбедноста при возење.
Секој дополнителен килограм ја оптоварува работата на моторот. Отстранувањето на непотребните предмети од багажникот може да донесе забележлива заштеда, особено на подолги релации.
Климатизацијата нуди удобност, но и ја зголемува потрошувачката. На пократки релации и при умерени температури, доволно е природно проветрување, додека на подолги патувања умерената употреба на клима е поекономична опција.
Честите кратки возења без план трошат повеќе гориво. Комбинирањето на повеќе обврски во едно патување е едноставен начин да заштедите и време и пари.
Малите промени во навиките зад воланот можат да донесат големи заштеди и за вашиот паричник, и за околината.
