БАЛИСТИЧКИ РАКЕТИ КОН БАЗАТА ДИЕГО ГАРСИЈА – Нападот не успеа

Извештаите за неуспешен ирански ракетен напад врз британската воздухопловна база во Диего Гарсија се загрижувачки, но не неочекувани. Нападот доаѓа во време кога Велика Британија дискретно ја промени својата политика, дозволувајќи на САД да користат британски бази за напади врз ирански воени објекти, објави SkyNews.

Во соопштението од Даунинг стрит се наведува дека британската влада потврдила дека договорот за користење на британски бази од страна на САД во рамките на „колективна самоодбрана“ на регионот сега вклучува и операции за онеспособување на ирански ракетни локации и други објекти кои се користат за напади врз бродови во Ормутскиот теснец.

Главната промена е тоа што американските сили сега официјално можат да започнуваат напади од британските бази, Ферфорд и Диего Гарсија за да ги таргетираат иранските „нападни капацитети“ во регионот. Ова е направено поради итната потреба теснецот да остане отворен и безбедно функционирачки.

Во исто време, десетина британски воени планери се испратени во седиштето на Централната команда на САД (CENTCOM) во Тампа, Флорида, за да учествуваат во подготовките и развојот на стратегијата за обезбедување на теснецот.

Опозицијата веднаш повика на гласање во парламентот за продолжување на мисијата, додека Техеран реагираше остро. Иранскиот министер за надворешни работи, Абас Аракчи, истакна дека огромното мнозинство Британци не сакаат да учествуваат во евентуална израелско-американска војна против Иран и предупреди дека користењето на британските бази го става британскиот народ во опасност.

Промената во политиката носи и реални ризици. Американците можат пошироко да го толкуваат терминот „колективна самоодбрана“ при избор на цели, а обидот за напад врз Диего Гарсија покажува дека Иран има капацитет за долги ракетни напади и растојанието до базата е околу 4.000 километри, постои опасност за цивилните авиони кои поминуваат низ воздушниот простор над кој би минувале ваквите ракети и обезбедувањето на Ормутскиот теснец ќе бара поширока коалиција, која на тој начин сама станува потенцијална цел за Иран, вклучувајќи и асиметрични закани, како „спијачки ќелии“.

Диего Гарсија е најголемата воена база на островите Чагос во Индискиот Океан, оддалечена околу 4.000 километри од Иран и Персискиот Залив. Базата стана мета на ирански балистички ракети поради својата стратешка улога во регионот.