НОЌНА ВОЗДУШНА ОПЕРАЦИЈА ВО ТЕХЕРАН – Таргетирани Лариџани и лидери на Исламски џихад

Израел изведе ноќен воздушен напад во Иран, насочен кон секретарот на Врховниот совет за национална безбедност на Иран, Али Лариџани, објави „Тајмс оф Израел“, повикувајќи се на израелски официјални извори. Засега не е познато дали Лариџани е повреден или загинат.

Според одбранбени извори, друг неодамнешен напад од Израел во Иран бил насочен кон лидерот на палестинскиот Исламски џихад, Акрам ал-Аџури, како и други високи функционери на терористичката организација.

Началникот на Генералштабот на Израелските одбранбени сили (ИДФ), генерал-потполковник Ејал Замир, изјави дека утринската проценка покажала „значајни успеси во елиминацијата преку ноќ, кои можат да влијаат врз кампањите и мисиите на ИДФ“.

„Ова е продолжение на операциите извршени во последните денови во Иран против надворешни елементи, исто така поврзани со палестинската сцена“, додаде Замир, осврнувајќи се на претставници на Исламски џихад.

Тој истакна дека „високи оперативци вклучени во терористички активности од Газа, Јудеја и Самарија“ се наоѓале во безбедна куќа во Техеран кога биле нападнати.