УБАВА ВЕСТ – Македонија утре организира уште еден евакуациски лет од Дубаи
Амбасадата во ОАЕ ги повикува граѓаните со приоритетна потреба да се пријават веднаш
Македонската амбасада во Обединетите Арапски Емирати ги информира сите државјани на Северна Македонија кои моментално престојуваат во земјата дека во вторник е планиран уште еден евакуациски лет на релација Дубаи – Скопје.
Од амбасадата посочуваат дека подготовките и организациските детали за летот се во завршна фаза, поради што ги повикуваат сите граѓани кои имаат неопходна и приоритетна потреба од евакуација да се пријават во најкраток можен рок.
Пријавувањето може да се направи во Амбасадата на Република Северна Македонија во Абу Даби, на телефонскиот број +971 56 441 7532 или преку електронската пошта abudabi@mfa.gov.mk.
Досега се реализирани четири организирани евакуациски летови од регионот на Блискиот Исток, со кои во земјава се вратени вкупно 458 македонски државјани.
