ГОЛЕМА ЕКСПЛОЗИЈА НА ПЛОШТАДОТ ВО ТЕХЕРАН – Цел бил шефот на националната безбедност Али Лариџани
Експлозијата се случи на плоштадот Валиаср, каде што беше закажан марш по повод Денот на Ал Кудс.
Државната телевизија на Иран (ИРИБ) објави дека се случила силна експлозија на плоштадот Валиаср во Техеран, каде што беше закажан протест. Првите снимки од местото на настанот се појавија на интернет.
Според Скај њуз, на маршот по повод Денот на Ал Кудс бил присутен барем еден висок функционер, Али Лариџани, шеф на националната безбедност и клучен советник на поранешниот врховен лидер Али Хамнеи.
Маршевите по повод Денот на Ал Кудс се одржуваат секоја година последниот петок од Рамазан и традиционално започнале по Иранската револуција во 1979 година, а сега се организираат и во други делови на светот.
Полуофицијалната агенција Тасним соопшти дека експлозијата се случила поради американско-израелско „бомбардирање“ јужно од улицата Енгелаб, главната сообраќајна артерија во Техеран.
Очевидци велат дека провладините демонстранти кои го виделе нападот оддалеку скандирале:
„Се бориме, умираме, не прифаќаме понижување“ и „Ни компромис, ни предавање, битка со Америка“.
