ИРАН ТАГУВА – 165 деца убиени во напад врз училиште

Во иранската покраина Хормозган започна погребна поворка за 165 деца кои загинаа во американско-израелски напад врз основното училиште „Шаџаре Тајебех“ во Минаб, јави порталот „Прес ТВ“.

Семејствата и граѓаните излегоа на улиците за да оддадат последна почит на своите деца. Присутните на церемонијата носеа мали ковчези и фотографии од убиените ученици.

Нападот го погоди двокатното училиште за време на наставата, при што беа повредени речиси 100 лица, вклучувајќи едукатори и родители. Густ чад се креваше од урнатините на зградата, а нападот е опишан како терористички.

Обвинителот на Минаб го осуди нападот како „криминален“ и „дивачки“. Иранскиот претседател Масуд Пезешкијан го нарече „предавнички и нехуман“, истакнувајќи дека е уште едно злосторство на агресорот против Иран, кое нема да се заборави.

Според Иранската Црвена полумесечина, досега повеќе од 550 луѓе загинале за време на нападите што започнаа во саботата.