НЕТАНЈАХУ НАЈАВУВА КРАТКА ОПЕРАЦИЈА – Техеран во најслаба точка
Нетанјаху ги отфрла обвинувањата дека Израел ги вовлекол САД во конфликтот.
Израелскиот премиер Бенјамин Нетанјаху изјави дека САД и Израел не водат „бесконечна војна“ против Иран и дека операцијата ќе биде кратка и одлучна. Во интервју за Fox News, тој истакна дека „терористичкиот режим во Иран е во својата најслаба точка од своето воспоставување“ и дека американските и израелските напади ќе создадат услови за потенцијална промена на режимот.
Нетанјаху додаде дека Иран е главен извор на проблеми на Блискиот Исток, и дека неговиот пад би можел да отвори пат за нови мировни договори меѓу Израел и арапските и муслиманските земји.
САД имаат поинаков пристап: министерот за одбрана, Пит Хегсет, рече дека целта не е промена на режимот, туку неутрализирање на ракетните, поморските и нуклеарните закани од Иран. Државниот секретар, Марко Рубио, најави дека САД ја започнале операцијата „Епски бес“ по проценки дека Иран би можел да ги таргетира американските интереси во регионот.
Нетанјаху ги отфрли тврдењата дека Израел ги вовлекол САД во конфликт со Иран, нарекувајќи ги „смешни“. Тој истакна дека американскиот претседател Доналд Трамп носи одлуки во интерес на својата земја и идните генерации.
„Смешно е. Доналд Трамп е најсилниот лидер во светот. Тој прави она што мисли дека е исправно за Америка“, рече Нетанјаху.
