ВОЕНИ УДАРИ ВРЗ ИРАН – Можна смрт на шефот на ИРГЦ и министерот за одбрана
Официјални извори најавуваат дека можеби се убиени и министерот за одбрана и шефот на разузнавањето.
Израелските функционери веруваат дека генерал Мохамед Пакпур, командант на Иранската револуционерна гарда (ИРГЦ), можеби е убиен во утринските заеднички израелско-американски напади врз Иран, објавија денес израелските медиуми.
Пакпур го презеде кормилото на ИРГЦ откако неговиот претходник, Хосеин Салами, беше убиен од Израел на почетокот на војната во јуни 2025 година, јавува „Тајмс оф Израел“.
Официјалните извори дополнително проценуваат дека во нападите можеби се убиени и иранскиот министер за одбрана и шефот на разузнавачките служби, но овие информации сè уште не се потврдени ниту од Иран, ниту од Израелските одбранбени сили (ИДФ).
Во утринските напади беа нападнати и неколку високорангирани ирански воени команданти, меѓу кои и врховниот лидер Али Хамнеи и претседателот Масуд Пезешкијан, но конечните последици од операцијата сè уште не се познати.
