МИЦКОСКИ ЈА ПОВИКА УПОЗ – Плати зголемени за 40% во две години

Премиерот Мицкоски ја покани УПОЗ да потпише колективен договор според кој платите на 7.700 вработени во државната администрација ќе се зголемат за 40 проценти во период од две години и два месеца.

Лидерот на Сојузот на синдикатите на Македонија (ССМ), Слободан Трендафилов, го повика премиерот во седиштето на синдикатот во понеделник во 9 часот за заедничко потпишување на договорот. Според него, зголемувањето од 40% треба да важи веднаш, додека Владата предлага постепено зголемување до 2028 година.

Мицкоски изјави дека нема проблем да отиде во ССМ и дека „понудата е на маса“. Тој повика УПОЗ да се одважи и да го потпише договорот, по што сите административци ќе добијат зголемување.

Премиерот додаде дека не го видел предложениот закон на СДСМ за зголемување на минималната плата и го повтори ставот на Владата: работниците и работодавачите сами да се договорат за минималната плата.

„Останува уште еден мал дел од 7.700 административци да се согласи. Понудата е на маса, доколку синдикатите се сложат, ние сме подготвени тоа да го прифатиме веднаш. За две години и два месеца, овие вработени ќе имаат минимум 40% повисоки примања. Владата во трипартитниот дијалог е само олеснувач, а СДСМ е политичка партија“, рече Мицкоски.