ОРБАН СО БРУТАЛНА ПОРАКА ДО ЗЕЛЕНСКИ – Секој ќе го добие она што го заслужува

Унгарскиот премиер, Виктор Орбан, преку социјалната мрежа X му порача на украинскиот претседател Володимир Зеленски дека „нема да можеме да постигнеме разбирање“.

Орбан напиша дека тој е слободен човек кој му служи на унгарскиот народ, додека Зеленски е „човек во очајна позиција“, кој четврта година по ред не успева или не сака да ја заврши војната, и покрај помошта од САД. Поради тоа, Орбан истакна дека Унгарија не може да ги поддржи воените напори на Украина.

Сепак, Орбан посочи дека украинскиот народ може да смета на тоа дека Унгарија ќе продолжи да ја снабдува со електрична енергија и гориво, како и да ги поддржува украинските бегалци.

„Животот ќе среди сè сам по себе, и секој ќе го добие она што го заслужува“, заклучи тој.