ПОЗДРАВ ОД ПРЕСПА – Првата разгледница за македонското културно наследство

Излезе од печат првата разгледница „Поздрав од Преспа“, посветена на убавините на Преспанскиот крај. Таа содржи осум фотографии кои го прикажуваат културното и природното наследство на овој регион, претставувајќи значаен придонес во зачувувањето и промоцијата на македонското културно наследство.

Автор на разгледницата е Никола Ѓурѓај, претседател на македонското друштво „Илинден“ – Тирана и уредник на Македонски весник „Илинден“.

Изданието е отпечатено со финансиска поддршка на семејството Ѓурѓај.

Разгледницата ќе се дистрибуира низ целата Република Албанија, како важен придонес во зачувувањето и промоцијата на македонската културна традиција меѓу македонската заедница во Албанија.