ДОЛАРОТ ЗАЈАКНА ВО ОДНОС НА ГЛАВНИТЕ СВЕТСКИ ВАЛУТИ Аналитичарите го припишуваат растот на статусот како „безбедно засолниште“

Американскиот долар трета недела по ред зајакна во однос на главните светски валути. Индексот на доларот порасна за 0,2 отсто, на 99,37 поени.

Во однос на еврото доларот зајакна за 0,4 отсто (1,1598 долари за евро), а во однос на јенот за 0,1 отсто (158,10 јени). Аналитичарите го припишуваат растот на статусот на доларот како „безбедно засолниште“ и очекувањата дека ФЕД ќе ги задржи каматните стапки непроменети.