НОВА ИНИЦИЈАТИВА – Министерството донира 7.500 вакцини за заштита на здравјето

Министерството за здравство донира 7.500 вакцини на Институтот за јавно здравје, со кои ќе се опфатат 2.500 здравствени работници и студенти на медицина и стоматологија. Пријавувањето ќе се врши преку електронски модул во наредните десет дена, а вакцинацијата ќе се спроведе во Институтот и во центрите за јавно здравје низ државата.

Директорката на Институтот, Марија Андоновска, истакна дека вакцината е важна за заштита од инфекција преку крв и телесни течности, особено кај оние што не биле вакцинирани при воведувањето на задолжителната имунизација во 2004 година.