НАЦИОНАЛНИОТ ЏЕЗ ОРКЕСТАР СО „МАКЕДОНСКИ СНОВИДЕНИЈА“ ЌЕ ЈА ОСВОЈУВА ЕВРОПА Уникатна фузија на македонски фолклорни мотиви и современ џез

Националниот џез оркестар денес тргнува на европска турнеја под наслов „Macedonian Dreams“, која ќе се одржи од 12 до 17 ноември и ќе ги опфати Будимпешта, Прага и Виена.

Турнејата започнува на 12 ноември во Будимпешта, продолжува на 14 во Прага и завршува на 17 ноември во виенскиот џез клуб Porgy & Bess, еден од најпрестижните во Европа.

„Macedonian Dreams“ е фузија на македонски фолклор и современ џез, создавајќи музичка приказна што ја претставува македонската културна традиција во современ контекст.

Диригент е маестро Владимир Николов, а турнејата претставува значаен чекор во афирмацијата на македонската џез сцена и нејзиното претставување пред европската публика.