ВЛАДАТА ИНВЕСТИРА ВО ЗДРАВСТВОТО Набавка на 100 нови амбулантни возила

Владата во наредниот период ќе набави 100 нови амбулантни возила, најави премиерот Христијан Мицкоски.

Тој потсети дека на последната владина седница е донесена одлука за отпочнување на постапка за нивна набавка, имајќи предвид дека постојните возила се застарени и често се донации.

„Наш приоритет е обновата на возниот парк во јавните здравствени установи, каде состојбата е навистина алармантна. Затоа Владата започнува процес за купување 100 нови, современо опремени возила кои ќе бидат распределени низ целата држава“ – изјави премиерот Мицкоски.