2.618 АПЛИКАЦИИ ЗА ПРОЕКТИ – Министерството за култура со буџет од 5,19 милијарди денари за 2026

За годишните конкурси за проекти од културата за 2026 година пристигнале 2.618 апликации, соопшти министерот за култура и туризам, Зоран Љутков.

Тој нагласи дека зголемените средства и проширувањето на моделот на делегиран буџет за националните установи ја покажуваат поддршката на државата за уметниците и културните работници.

Вкупниот буџет на Министерството за култура и туризам за 2026 година изнесува 5,19 милијарди денари, од кои 1,07 милијарди се наменети за проекти од национален интерес, со фокус на современо творештво, меѓународна соработка и креативни индустрии.