15 КАНДИДАТИ ВО ТРКА ЗА ДИК Поранешни министри, актуелни членови и нови имиња
На конкурсот аплицирале 15 лица, од кои дел конкурирале и за претседател и за член
Заврши конкурсот за избор на претседател, потпретседател и пет члена на Државната изборна комисија (ДИК). Вкупно се пријавени 15 кандидати.
Според информациите, поранешниот министер за правда и вицепремиер за евроинтеграции се пријавил исклучиво за функцијата претседател, додека останатите кандидати конкурирале и за член, а дел и за претседател. Еден од кандидатите поднел пријава и за потпретседател.
Како што објави ТВ 24, за претседател и за член е пријавена и Марија Митановска Димовска, вработена во Министерството за правда и сопруга на поранешниот началник на Интервентната полиција од времето на Зоран Заев, Прибислав Димовски. За две функции аплицирала и поранешната заменичка-министерка за правда, Викторија Мадиќ, додека актуелниот претседател на ДИК, Борис Кондарко, се пријавил само за член.
Еве како изгледа целосниот список на пријавени кандидати на конкурсот: Бојан Маричиќ – пријава за претседател или член (дипломиран правник, Скопје), Александар Даштевски – пријава за член (дипломиран правник, Скопје), Ангелчо Ристов – пријава за член, (магистер по право, Делчево), Викторија Аврамовска Мадиќ – пријава за претседател или член
(магистер по правни науки, Скопје), Фезу Џафери – пријава за претседател, потпретседател и член (дипломиран правник, с. Чајле, Гостивар), Светлана Карапетрова – пријава за член
(магистер по економија – финансии, сметководство и ревизија, Тетово), Борис Кондарко – пријава за член (дипломиран правник со положен правосуден испит, Скопје), Марија Митановска Димовска – пријава за член (дипломиран правник, Скопје), Дитмире Шеху – пријава за член (дипломиран правник, Гостивар), Даниела Маркоска – пријава за претседател
(дипломиран правник, Скопје), Елита Шуки – пријава за член (дипломиран правник со положен правосуден и нотарски испит, Скопје), Добре Јанчев – пријава за претседател и член
(дипломиран правник со положен правосуден испит, Скопје), Бети Ѓорѓиеска – пријава за член (дипломиран инженер по електротехника, Скопје), Ивана Костадиноска – пријава за член (дипломиран правник, Скопје) и Благоја Гешоски = пријава за член (доктор на дефектолошки науки, Прилеп)
