СРЕДБА АЛИУ КЕДЕВ – Од 15 септември приватните болници мора да ги пријавуваат сите интервенции
Од Министерството потенцираат дека остануваат отворени за соработка со сите чинители и ги повикуваат граѓаните и институциите кои располагаат со информации за можни неправилности во системот, веднаш да ги пријават.
Министерот за здравство Азир Алиу оствари средба со д-р Сашко Кедев, на која се разговараше за наводите дека во одредени приватни болници се вршеле непотребни кардиохируршки интервенции, информира Министерството за здравство.
Алиу истакнал дека од 15 септември сите приватни здравствени установи ќе бидат обврзани да го информираат Министерството, односно Управата за електронско здравство, за сите извршени прегледи и медицински интервенции.
Од Министерството потенцираат дека остануваат отворени за соработка со сите чинители и ги повикуваат граѓаните и институциите кои располагаат со информации за можни неправилности во системот, веднаш да ги пријават.
„Транспарентноста е еден од главните приоритети во нашата работа и суштински услов за унапредување на здравствениот систем,“ стои во соопштението.
