БРАБУСОТ НА БАКА ПРАСЕ ЗАПАЛЕН – Истрагата во тек

Вчера во Белград беше уапсен 23-годишниот З.Р., под сомнение дека подметнал пожар на возило „Мерцедес-Бенц Брабус“ во сопственост на инфлуенсерот Богдан Илиќ, познат како Бака Прасе.

Првично, З.Р. беше обвинет за кривично дело „предизвикување јавна опасност“, затоа што се сомничи дека ноќта меѓу 15 и 16 февруари го запалил патничкото возило на улицата Херцеговачка. Случајот го водеше Првото основно јавно обвинителство во Белград, но подоцна го презеде Вишото јавно обвинителство, кое разгледува можност за преквалификување на делото.

Постојат индиции дека палењето на автомобилот може да е поврзано со изнуда, за што осомничениот би можел да се соочи со затворска казна од една до петнаесет години, во зависност од одредбите на Кривичниот законик. На З.Р. му е определен притвор до 48 часа, во кој законски рок ќе биде сослушан во Вишото јавно обвинителство.

Богдан Илиќ, пак, преку социјалните мрежи изјави дека неговиот „Брабус“ бил запален затоа што одбил да плати „рекет“. Тој додаде дека постојат видеа на кои се гледа како осомничениот го запалува автомобилот, но тие се во полицијата и се користат во текот на истрагата.

– „Кој стои зад тоа, тоа е прашањето и мене ме интересира. Имав само спомени со Брабус, беше посебен. Не ми е мило што го запалија, но не се тресев премногу. Ако ова продолжи и морам да се иселам од земјата, ќе мора да дејствувам поинаку. Не се грижам и немам страв, но тоа што го прават луѓето е нереално“, изјави Бака Прасе во живо.

Надлежните служби веднаш интервенираа по пожарот, а истрагата за случајот продолжува.